Լուվրի թանգարանը զգուշացրել է այցելուներին բարձր ջերմաստիճանների մասին, որոնք սպասվում են հունիսի 21-ից: X սոցիալական ցանցում հրապարակված հաղորդագրության մեջ թանգարանը խորհուրդ է տվել փոխել այցելության տեմպը և պահպանել նախազգուշական միջոցներ՝ գերտաքացումից խուսափելու համար:
Այցելուներին խորհուրդ է տրվում չշտապել ցուցադրությունը դիտելիս, կրել թեթև հագուստ և պահպանել օրգանիզմի ջրային հավասարակշռությունը։ «Հոգ տարեք ձեր մասին, հագեք թեթև հագուստ և խմեք բավարար քանակությամբ ջուր»,— նշված է ուղերձում:
Թանգարան մուտք գործելու համար պահանջվում է տոմսերի նախնական ամրագրում, ինչը թույլ է տալիս կազմակերպել ավելի հարմարավետ այցելություն բարձր ծանրաբեռնվածության պայմաններում։ Շոգի պատճառով սրահների մի մասը կարող է ժամանակավորապես փակվել՝ ցուցանմուշների պահպանությունն ապահովելու և արվեստի գործերի վրա բարձր ջերմաստիճանի ազդեցությունը նվազեցնելու համար։
