Հայաստանի Անվտանգության խորհրդի քարտուղար Արմեն Գրիգորյանը հուլիսի 16-ին ընդունել է Եվրոպական միության քաղաքացիական առաքելության ղեկավար Սատու Կոյվուին։ Այս մասին հայտնում է Factor-ը։
Արմեն Գրիգորյանը ողջունել է հյուրին և բարձր գնահատել ԵՄ առաքելության աշխատանքը մեր երկրում։ Նա ընդգծել է, որ Հայաստանը պատրաստ է շարունակել արդյունավետ համագործակցությունը առաքելության հետ։
Սատու Կոյվուն շնորհակալություն է հայտնել ջերմ ընդունելության համար։ Նա բարձր է գնահատել հայկական պետական կառույցների հետ ձևավորված գործակցությունը։ Կողմերը վերահաստատել են իրենց պատրաստակամությունը՝ շարունակելու սերտ համագործակցությունը։
Հանդիպման մասին հայտնում են նաև ԱԽ գրասենյակից։ Զրուցակիցները քննարկել են փոխգործակցության զարգացմանը վերաբերող մի շարք հարցեր։
