Civilnet.am — Կորոնավիրուսից ևս 2 հոգի է մահացել «Նորք» ինֆեկցիոն հիվանդանոցում։ Այս մասին կեսգիշերն անց գրել է առողջապահության նախարար Արսեն Թորոսյանը։
«Ցավով պետք է նշեմ, որ վերջին 1 ժամվա մեջ Նորքի ինֆեկցիոն հիվանդանոցում երկու մահ ունեցանք՝ 55 տարեկան կնոջ և 73 տարեկան տղամարդու, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։ Բժիշկներն արեցին ամեն հնարավորը նրանց կյանքը փրկելու համար, ինչը ցավոք չհաջողվեց…
Ցավակցում եմ նրանց հարազատներին»,- գրել է նախարարը։
Այսպիսով, կորոնավիրուսի հիվանդությունից Հայաստանում մահացածների թիվը հասավ 3-ի։ Առաջին մահը գրանցվել էր մարտի 26-ին։
