Azatutyun.am — Բելառուսի իշխանությունները մտադիր չեն հրաժարվել մայիսի 9-ին Մինսկի կենտրոնում Հաղթանակի օրվա առթիվ շքերթ անցկացնելու գաղափարից: Կիրակի օրը կայացած խորհրդակցության ժամանակ այս մասին հայտարարել է Բելառուսի նախագահ Ալեքսանդր Լուկաշենկոն:
«Մենք չենք կարող չեղարկել շքերթը, պարզապես չենք կարող: Ես այդ մասին շատ եմ մտորել: Դա շատ զգացմունքային, նաև գաղափարական խնդիր է: Եկեք, մտածենք, թե ինչ կասեն մարդիկ, [եթե շքերթը չեղարկվի]: Մեկ, երկու օր կանցնի, և կասեն, որ մենք վախեցանք»,- հայտարարում էր Լուկաշենկոն:
Բելառուսի նախագահի խոսքով՝ համաճարակաբանական տեսանկյունից Մայիսի 9-ի շքերթը ամենավտանգավոր միջոցառումը չէ:
