Panarmenian.net — Հայաստանում ապրիլի 30-ի դրությամբ կորոնավիրուսով վարակի դեպքերի թիվը հասել է 2066-ի՝ նախորդ օրվա համեմատ ավելանալով 134-ով:
Այդ մասին տեղեկացնում է ՀՀ ԱՆ Հիվանդությունների վերահսկման և կանխարգելման ազգային կենտրոնը։
Սա մեկ օրում նոր դեպքերի ամենամեծ ցուցանիշն է համավարակի մեկնարկից ի վեր։
Մահվան ևս 2 դեպք է գրանցվել։ Ընդհանուր առմամբ, մահվան ելքով 32 դեպք կա։ Եվ 2 մահ գրանցվել է այլ պատճառով։
Ապաքինվել է 29 մարդ։ Առողջացածների ընդհանուր թիվը 929 է։ Փաստացի բուժվողների թիվը 1103 է։
Ընդհանուր առմամբ, թեստավորվել է 21,125 անձ։
