Ֆուտբոլի աշխարհի առաջնության մրցումային հերթական օրը նշանավորվեց բացառապես ոչ-ոքի արդյունքներով։
G խմբի շրջանակում՝ Սիեթլի մարզադաշտում, Բելգիայի և Եգիպտոսի հավաքականների միջև հանդիպումն ավարտվեց 1:1 հաշվով։ Եգիպտոսը խաղի 19-րդ րոպեին առաջ անցավ հաշվի մեջ՝ Էմամ Աշուրի դիպուկ հարվածի շնորհիվ, սակայն Բելգիային պարտությունից ազատեց Մուհամեդ Նանիի ինքնագոլը, որը վերականգնեց հավասարությունը։
Միացյալ Նահանգների Մայամի քաղաքի մարզադաշտում կայացած H խմբի խաղում ևս գրանցվեց 1:1 ոչ-ոքի՝ Սաուդյան Արաբիայի և Ուրուգվայի միջև։ Առաջին կեսի վերջնամասում Սաուդյան Արաբիայի կազմից Աբդուլելահ Ալամրիի խփած գոլին պատասխանեց Ուրուգվայի Մաքի Արաուխոն։ Այս խմբում դեռևս առաջատար չկա, քանի որ բոլոր թիմերը՝ Իսպանիան, Կաբո Վերդեն, Սաուդյան Արաբիան և Ուրուգվայը, իրենց հանդիպումներն ավարտել են ոչ-ոքի արդյունքով։
Լոս Անջելեսի մարզադաշտում կայացած G խմբի մեկ այլ խաղում Իրանի և Նոր Զելանդիայի միջև արձանագրվեց 2:2 ոչ-ոքի։ Նոր Զելանդիայի հավաքականից Էլիա Զասին դարձավ դուբլի հեղինակ՝ գոլեր խփելով 7-րդ և 54-րդ րոպեներին։ Ի պատասխան՝ Իրանի հավաքականից աչքի ընկան Ռամին Ռեզային (32-րդ րոպե) և Մոհամադ Մոհեբին։ G խմբում ևս դեռևս առաջատար չկա, քանի որ Բելգիան, Եգիպտոսը, Իրանն ու Նոր Զելանդիան ունեն մեկական միավոր։
