ԱՄՆ սենատորները հրապարակել են Ռուսաստանի դեմ պատժամիջոցների օրինագծի թարմացված տարբերակը: Այս մասին հայտնում է Factor-ը: Փաստաթուղթը պաշտպանում են ինչպես հանրապետական, այնպես էլ դեմոկրատ օրենսդիրները:
Նախագիծը սահմանափակումներ է նախատեսում ռուս պաշտոնյաների և էներգետիկ նախագծերի համար: Դրանք վերաբերում են «Յամալ» և «Արկտիկական LNG» նախագծերին: Պատժամիջոցներ են սահմանվելու նաև Ռուսաստանի Կենտրոնական բանկի և ստվերային նավատորմի նկատմամբ:
Նախնական տարբերակի համեմատ՝ մաքսատուրքերի չափը մեղմացվել է: Եթե նախկինում առաջարկվում էր մինչև 500% տուրք, ապա այժմ այն կազմում է առավելագույնը 100%: Բացառություններ կարող են լինել այն երկրների համար, որոնք զգալիորեն կրճատում են ռուսական գազի ներմուծումը:
Ռուսական նավթի խոշորագույն հինգ գնորդներն են Չինաստանը, Հնդկաստանը, Սլովակիան, Հունգարիան և Ադրբեջանը: Հենց այս երկրները կարող են հայտնվել նոր սահմանափակումների ազդեցության տակ:
Օրինագծի համահեղինակներից էր հանգուցյալ սենատոր Լինդսի Գրեհեմը: Նախագահ Դոնալդ Թրամփը դրական է գնահատել օրինագծի հեռանկարները: Նա նշել է, որ փաստաթուղթը մեծ հավանականությամբ կընդունվի՝ ի պատիվ Գրեհեմի հիշատակի: Օրենքում նաև նախատեսվել է դրույթ, որը Թրամփին թույլ է տալիս չեղարկել պատժամիջոցները՝ ազգային շահերից ելնելով:
