Ավտոմեքենան հայտնվել է Հրազդան գետում. ջրասուզակը դուրս է բերել վարորդի մարմինը

Այսօր՝ հուլիսի 19-ին, Գեղարքունիքի մարզում ողբերգական դեպք է գրանցվել։ Այս մասին հայտնում է Aravot-ը։ Առավոտյան ժամը 06։30-ի սահմաններում ոստիկանությունը տեղեկություն է ստացել, որ Երևան-Սևան-Իջևան ճանապարհին՝ «Հարսնաքար» ռեստորանի մոտ, ավտոմեքենան ընկել է Հրազդան գետը։

Ջրասուզակ Վահե Մելքոնյանը մոտ 30 րոպե որոնումներ է իրականացրել։ Նա գտել է մեքենան և կոտրել ապակին։ Դրա շնորհիվ նա կարողացել է ջրից դուրս բերել ջրահեղձ եղած քաղաքացու մարմինը։ Այնուհետև փրկարարները մարմինը տեղափոխել են դիատար մեքենա։