Միջազգային ֆինանսների ինստիտուտի հրապարակած նոր զեկույցի համաձայն՝ տարվա առաջին կիսամյակում համաշխարհային պարտքի համախառն ծավալը հասել է ռեկորդային 365 տրիլիոն դոլարի։
Ընդհանուր ցուցանիշն աճել է ավելի քան 10 տրիլիոն դոլարով։ Այս զգալի աճի հիմնական մասը բաժին է ընկել զարգացող երկրներին։
Տարեկան կտրվածքով դրանց համախառն պարտքն ավելացել է 6,5 տրիլիոն դոլարով՝ գերազանցելով 110 տրիլիոն դոլարի շեմը։
Պարտքային բեռի նման ռեկորդային աճը վկայում է գլոբալ տնտեսությունում խորացող ֆինանսական ճնշումների մասին, որոնք առաջին հերթին հարվածում են խոցելի տնտեսություններին։
Զարգացող երկրների պարտքի արագ ավելացումը մեծացնում է դեֆոլտների և ֆինանսական անկայունության ռիսկերը, ինչն հետագայում կարող է դանդաղեցնել համաշխարհային տնտեսական աճը։

