Շրջակա միջավայրի նախարարությունը հայտնում է, որ «Դիլիջան» ազգային պարկի «Ազնվացեղ եղջերուների բազմացման» կենտրոնում երկու նոր ձագ է լույս աշխարհ եկել։ Նախարարության կողմից տարածված հայտարարության մեջ ընդգծվում է, որ այս իրադարձությունը կարևոր նշանակություն ունի կենսաբազմազանության պահպանության համար և վկայում է վայրի կենդանիների պոպուլյացիաների վերականգնման ուղղությամբ կատարվող աշխատանքների արդյունավետության մասին։
