Փարիզի վերաքննիչ դատարանը վճիռ է կայացրել «Ազգային միավորում» կուսակցության առաջնորդ Մարին Լը Պենի նկատմամբ՝ խորհրդարանական օգնականների գործով։ Այս մասին հուլիսի 7-ին հայտնել է BFMTV հեռուստաալիքը։
Լը Պենին նշանակվել է երեք տարվա ազատազրկում։ Դրանից մեկ տարին նա պետք է կրի էլեկտրոնային հսկողության ապարանջանով։
Անցյալ տարվա նոյեմբերին Լը Պենը հայտարարել էր, որ չի մասնակցի 2027 թվականի նախագահական ընտրություններին, եթե վերաքննիչ դատարանը հաստատի ընտրություններին նրա մասնակցության արգելքը։
Փարիզում դատավարություն էր ընթանում Մարին Լը Պենի և նրա կուսակցության 26 ներկայացուցիչների նկատմամբ՝ դրամական միջոցների օրինականացման գործով։ Նրանց մեղադրում են Եվրոպական խորհրդարանի միջոցներն օգնականների աշխատավարձերի վճարման համար անօրինական օգտագործելու մեջ։
