Հայաստանի հասարակական տրանսպորտում գործարկվել է Apple Pay-ով և Google Pay-ով ուղեվարձը վճարելու հնարավորությունը։
Այժմ ուղևորներին բավական է տերմինալին մոտեցնել թվային դրամապանակով սմարթֆոնը կամ սմարթ-ժամացույցը՝ պլաստիկ բանկային քարտն այլևս պարտադիր չէ։
Վճարման նոր եղանակն արդեն հասանելի է հասարակական տրանսպորտի այն միջոցներում, որտեղ տեղադրված են համապատասխան տերմինալներ։ Սա ևս մեկ քայլ է Հայաստանում անկանխիկ վճարումների ժամանակակից և հարմարավետ համակարգի զարգացման ուղղությամբ։
