Վանաձորի Առափնյա փողոցում երեխաներ են ընկել գետը․ իրականացվում են լայնածավալ որոնողական աշխատանքներ։ Ըստ նախնական տվյալների՝ որոնվողները 7 և 13 տարեկան հարազատ քույրեր են։ Դեպքի վայրում աշխատում են փրկարարները, ոստիկաններն ու բազմաթիվ քաղաքացիներ, իսկ որոնումները կատարվում են գետի երկայնքով՝ մոտ 30 կիլոմետր շառավղով։
Այս պահին երեխաների հայտնաբերման վերաբերյալ դրական տեղեկություն դեռ չկա։ Աշխատանքները շարունակվում են ողջ ծավալով։ Լրացուցիչ տեղեկությունների դեպքում կտրվի հավելյալ ինֆորմացիա։
