Բուլղարիայի նոր կառավարությունը դեմ կհանդես գա Ռուս ուղղափառ եկեղեցու առաջնորդի դեմ սահմանվող պատժամիջոցներին, որոնք ներառված են Մոսկվայի դեմ Եվրամիության սահմանափակումների վերջին փաթեթում։ Այս մասին հայտարարել է երկրի արտաքին գործերի նախարարը։
Ռուսաստանի նախագահ Վլադիմիր Պուտինի մերձավոր դաշնակից պատրիարք Կիրիլի դեմ պատժամիջոցները կարող են «հակաարդյունավետ» լինել, չորեքշաբթի օրը Սոֆիայում լրագրողներին ասել է Վելիսլավա Պետրովան։ «Դրանք ստեղծում են մի միջավայր, որտեղ հակաեվրոպական քարոզչություն է տարվում», — հայտարարել է նա։
Պետրովան նշել է, որ այնպիսի սահմանափակումները, ինչպիսիք են ակտիվների սառեցումը և ճամփորդական արգելքները, կրում են սոսկ խորհրդանշական բնույթ և չեն օգնի հարթել խաղաղության բանակցությունների ուղին։ «Ես չեմ կարծում, թե առանձին բանկերում Ռուսաստանի պատրիարքի ֆինանսական ակտիվների սահմանափակումը կխոչընդոտի նրա գործունեությանը, ինչպիսին էլ որ այն լինի», — ասել է նա։
