Պարսից ծոցի երկրների արտգործնախարարները հայտարարել են, որ «իրանական դրածոների և հրթիռների դեմ պայքարը հարատև խաղաղության բանալին է»։ Նրանք նշել են, որ Թեհրանի հետ ցանկացած առևտուր ու ներդրում կլինեն հետշրջելի և կախված կլինեն նրա կողմից ԱՄՆ-ի հետ համաձայնագրի պահպանումից։ Այս մասին հաղորդում է Ֆրանսպրես գործակալությունը։
Նախարարներն ընդգծել են, որ տարածաշրջանային հարատև խաղաղությունն ու անվտանգությունը պահանջում են Իրանից բխող սպառնալիքների, այդ թվում՝ բալիստիկ հրթիռների, անօդաչու թռչող սարքերի և տարածաշրջանում իր հովանավորյալ ուժերին աջակցության վերացում։ Այս հայտարարությունն ընդունվել է Բահրեյնի մայրաքաղաք Մանամայում կայացած հանդիպման արդյունքներով, որը համանախագահել է ԱՄՆ պետքարտուղար Մարկո Ռուբիոն։
Ըստ հայտարարության՝ Իրանի հետ ցանկացած առևտուր և ներդրում պայմանական են և հետշրջելի։ Դրանք կախված են Փոխըմբռնման հուշագրի ու վերջնական համաձայնագրի Իրանի պահպանումից, նրա ապակայունացնող վարքագծի դադարեցումից և տնտեսական փոխգործակցության համար անհրաժեշտ պայմանների ստեղծումից։
Ավելի վաղ Ռուբիոն հայտարարել էր, որ ԱՄՆ-ը ցանկանում է գործարք կնքել Իրանի հետ, բայց ոչ ամեն գնով։ Նա հավաստիացրել է Պարսից ծոցի դաշնակիցներին, որ նրանց շահերը հաշվի կառնվեն։ Սա տեղի է ունեցել այն բանից հետո, երբ ԱՄՆ-ն ու Իրանը ստորագրել էին փոխըմբռնման հուշագիր՝ ուղղված Մերձավոր Արևելքում պատերազմի դադարեցմանը։
Ռուբիոն նշել է. «Թեև մենք ցանկանում ենք գործարք կնքել, չենք ցանկանում դրան հասնել ամեն գնով։ Մենք ցանկանում ենք, որ գործարքը լինի շահավետ, իրական, ստուգելի և պահպանվի»։
