Ռուսաստանի նախագահ Վլադիմիր Պուտինը պարգևատրել է հայտնի սրտավիրաբույժ Բագրատ Ալեքյանին։ Ակադեմիկոսը ստացել է «Հայրենիքին մատուցած ծառայությունների համար» չորրորդ աստիճանի շքանշան։
Բագրատ Ալեքյանը Վիշնևսկու անվան վիրաբուժության ազգային կենտրոնի փոխտնօրենն է։ Նա այս պարգևին արժանացել է առողջապահության ոլորտում ունեցած մեծ վաստակի համար։
Պաշտոնական փաստաթղթում նաև նշվում է, որ բժիշկը պարգևատրվել է երկարամյա բարեխիղճ աշխատանքի համար։
