Թեհրանը Պարսից ծոցի երկրներին լուրջ նախազգուշացում է հղել։ Իրանի զինված ուժերի ներկայացուցիչ Էբրահիմ Զոլֆաղարին հայտարարել է, որ ԱՄՆ-ի հետ ցանկացած համագործակցություն սպառնալիք է իրենց երկրի անվտանգությանը։
Իրանական կողմը նման գործողությունները կդիտարկի որպես ոտնձգություն իր ինքնիշխանության դեմ։ Զոլֆաղարիի խոսքով՝ ԱՄՆ-ին լոգիստիկ աջակցություն ցուցաբերելը կարող է պատերազմի հրահրել տարածաշրջանի բոլոր երկրներում։ Նա ընդգծել է, որ հենց հարևանների համագործակցությունն է մեծացնում պատերազմի տարածման ռիսկը։
Լարվածությունը սրվել է հուլիսի 8-13-ն ընկած ժամանակահատվածում։ ԱՄՆ-ն Իրանի տարածքին հարվածներ է հասցրել՝ պատճառաբանելով դա Հորմուզի նեղուցում իրանական հարձակման պատասխանով։ Իրանն էլ իր հերթին հարձակվել է Մերձավոր Արևելքում ԱՄՆ-ի տեղակայած օբյեկտների վրա։
Բահրեյնը, Քուվեյթը, Արաբական Միացյալ Էմիրությունները, Օմանը և Կատարը հայտնել են, որ հետ են մղել իրանական օդային հարձակումները։
