ՀՀ քննչական կոմիտեն և ԱԱԾ-ն բացահայտել են 2023 թվականի ապրիլի 30-ին Երևանի Մյասնիկյան պողոտայում տեղի ունեցած «Ավետարանի հավատքի քրիստոնյաներ» կրոնական կազմակերպության հոգևոր հովիվ Ս․Վ․-ի սպանության դեպքը։
Գործի էական հանգամանքները
Սպանությունը պատվիրել է Արտաշատի նախկին համայնքապետ, ԱԺ նախկին պատգամավոր Արգամ Աբրահամյանը ով նաև ՀՀ նախկին վարչապետի որդին է։
Շարժառիթը եղել է վրեժխնդրությունը. Արգամ Աբրահամյանը կասկածել է, որ իր կինը՝ Է.Ծ.-ն, անձնական կապերի մեջ է եղել հոգևոր հովվի հետ և նրան խոշոր գումարներ է փոխանցել։ Արգամ Աբրահամյանը որոշել է սպանությունն իրականացնել ոչ թե անձամբ, այլ դրդել է իրենից ֆինանսական և անձնական կախվածության մեջ գտնվող անվտանգության աշխատակից Գ.Հ.-ին։ Գ.Հ.-ն ընդունել է հանձնարարությունը և 2023թ. ապրիլի 30-ին Մյասնիկյան 2 հասցեում գտնվող շենքի մոտ հրազենով սպանել է Ս.Վ.-ին։
Ի՞նչ իրավիճակ է այսօր
Գ.Հ.-ի նկատմամբ մեղադրանք էր առաջադրվել սպանության և ապօրինի զենք պահելու համար, և նրա մասով գործը դեռևս 2024թ. ապրիլին ուղարկվել էր դատարան։
Արգամ Աբրահամյանի նկատմամբ հարուցվել է քրեական հետապնդում՝ պատվերով սպանություն կատարելուն դրդելու հոդվածով (ՔՐ. օր. 46-155-րդ հոդվածի 2-րդ մասի 11-րդ կետ)։ 2026 թվականի օգոստոսի 8-ին ԱԱԾ աշխատակիցները ձերբակալել են նրան՝ կալանավորելու միջնորդությամբ դատարան ներկայացնելու համար։ Նախաքննությունը շարունակվում է։
