Իրանական լրատվամիջոցները հայտնում են, որ Հորմուզի նեղուցը շարունակում է փակ մնալ։ Fars գործակալությունը, հղում անելով Իսլամական հեղափոխության պահապանների կորպուսի աղբյուրին, գրում է, որ Իրանը չի թույլատրում նավերին անցնել նեղուցով։
Իրանը Հորմուզի նեղուցը փակելու մասին հայտարարել էր հունիսի 20-ին։ Դա պատասխան էր Լիբանանի նկատմամբ Իսրայելի հարձակումներին և իրանա-ամերիկյան փոխըմբռնման հուշագրի՝ Միացյալ Նահանգների կողմից խախտմանը։
Իրանի զինված ուժերի կենտրոնական շտաբը հայտարարել էր, որ ԱՄՆ-ը խախտել է իր խոստումները և չի կատարել հրադադարի մասին հուշագրի առաջին կետը։ Նաև Իսրայելը շարունակում է խախտել հրադադարը Լիբանանի հարավում։ Այս ամենի պատճառով Հորմուզի նեղուցը հայտարարվել է փակված։
ԱՄՆ փոխնախագահ Ջեյ Դի Վենսը հայտարարել էր, որ Հորմուզի նեղուցով նավերի անցման սահմանափակումների վերաբերյալ տեղեկություններ չեն ստացվել։
Հունիսի 21-ին Շվեյցարիայում նախատեսված են Իրանի և ԱՄՆ-ի պատվիրակությունների բանակցությունները՝ Կատարի և Պակիստանի միջնորդությամբ։ Բանակցությունների ընթացքում կքննարկվեն նաև Լիբանանում Իսրայելի գործողությունները։
