Իրանի արտաքին գործերի նախարարությունը պարզաբանել է Շվեյցարիայում ԱՄՆ-ի հետ բանակցություններում Թեհրանի նպատակները։ Իրանի ԱԳՆ մամուլի խոսնակ Էսմայիլ Բաղային հայտարարել է, որ քննարկումները կկենտրոնանան պատերազմն ավարտելու մասին հուշագրի կետերի կատարման վրա։
Ըստ Բաղայիի՝ բանակցությունների մեկնարկը վերջնական համաձայնագրի շուրջ կախված է հուշագրի 1-ին, 4-րդ, 5-րդ, 10-րդ և 11-րդ հոդվածների կատարումից։ Առանց դրանց, հատկապես առանց պատերազմը բոլոր ճակատներում, ներառյալ Լիբանանում, դադարեցնելու մասին 1-ին դրույթի կատարման, անհնար է անցնել վերջնական համաձայնագրի փուլին։
Քննարկվելու են նաև իրանական նավթի արտահանման և իրանական ակտիվների ապասառեցման հարցերը։
Բանակցությունները ԱՄՆ-ի և Իրանի պատվիրակությունների միջև տեղի կունենան հունիսի 21-ին Շվեյցարիայի Բյուրգենշտոկ քաղաքում՝ Կատարի և Պակիստանի միջնորդությամբ։ Ակնկալվում է, որ դրանք կսկսվեն Լիբանանում հրադադար հաստատելու հարցով։
ԱՄՆ պատվիրակությունը կգլխավորի փոխնախագահ Ջեյ Դի Վենսը, իսկ իրանականը՝ Իրանի խորհրդարանի խոսնակ Մոհամմադ Ղալիբաֆը։
