Լիբանանի նախագահը Թրամփին ասել է, որ Բեյրութը կստանձնի Իսրայելի հետ համաձայնագրի կատարման պատասխանատվությունը

Լիբանանի նախագահ Ժոզեֆ Աունը հայտնել է ԱՄՆ նախագահ Դոնալդ Թրամփին, որ Լիբանանը կկատարի Իսրայելի հետ ձեռք բերված համաձայնագրի պարտավորությունները։ Այս մասին հաղորդում է AFP-ն՝ հղում անելով Աունի գրասենյակի հայտարարությանը։

Աունը հույս է հայտնել, որ ԱՄՆ-ը կաջակցի՝ կանխելու համար համաձայնագրի ցանկացած խախտում։ Նա նաև ակնկալում է, որ Միացյալ Նահանգները ճնշում կգործադրեն Իսրայելի վրա՝ նրան ստիպելով հեռանալ Լիբանանի հարավում օկուպացված տարածքներից։ Սա կհեշտացնի լիբանանյան բանակի տեղակայումը մինչև միջազգային սահման։

Հեռախոսազրույցի ավարտին Թրամփը հայտնել է, որ մոտ ապագայում անհամբերությամբ սպասում է Վաշինգտոնում Աունի հետ հանդիպմանը։