Իսրայելի վարչապետ Բենյամին Նեթանյահուն հեռախոսազրույց է ունեցել ԱՄՆ նախագահ Դոնալդ Թրամփի հետ։ Այս մասին տեղեկացրել է վարչապետի գրասենյակը։
Կողմերը պայմանավորվել են շարունակել երկու երկրների միջև համակարգված աշխատանքը։ Քննարկումները վերաբերել են տարբեր կարևոր ուղղությունների։
Թրամփը Նեթանյահուին մանրամասներ է հայտնել Պարսից ծոցում ԱՄՆ-ի գործողությունների մասին։
Իր հերթին, Նեթանյահուն մտահոգություն է հայտնել Թուրքիայի նախագահ Ռեջեփ Թայիփ Էրդողանի վերջին խոսքերի վերաբերյալ։ Նա դժգոհել է Էրդողանի և նրա թիմակիցների՝ Իսրայելի գոյության մասին արված կտրուկ հայտարարություններից։
Իսրայելի վարչապետը նաև կարևորել է երկրի սահմանների երկայնքով անվտանգության գոտիների պահպանումը։
