168.am — Իսպանիայի հավաքականի և «Բարսելոնայի» հարձակվող Լամին Յամալը կիսվել է աշխարհի 2026 թվականի առաջնության եզրափակիչում Արգենտինայի նկատմամբ տարած հաղթանակի տպավորություններով և բացահայտել Լիոնել Մեսսիի հետ ունեցած զրույցի մանրամասները։
«Պարզապես անհավանական է։ Եթե տարիներ առաջ ինձ ասեին, որ 19 տարեկանում աշխարհի գավաթը կբարձրացնեմ Մեսսիի դեմ եզրափակիչից հետո, կմտածեի, որ մարդիկ խելագարվել են։ Այս պահին փորձում եմ զսպել արցունքներս, քանի որ սա մի բան է, որի մասին երազել եմ ողջ կյանքում։ Այս հաղթանակը իմ ընտանիքի, Ռոկաֆոնդայի և Իսպանիայի յուրաքանչյուր քաղաքացու համար է, որոնք մեզ աջակցել են մրցաշարի ամենադժվար պահերին։
Սա իրականությանը չհամապատասխանող սցենար է, լավագույն իրադարձությունը, որ երբևէ տեղի է ունեցել։ Ես միշտ հիացել եմ Մեսսիով։ Եզրափակիչ սուլիչից հետո ցանկանում էի նրան իմ մեծ հարգանքը ցույց տալ, և նա, սեղմելով ձեռքս, ասաց, որ պետք է շարունակեմ նույն ոգով, քանի որ ապագան մեր սերնդինն է։
Լեոյի այդ խոսքերը կհիշեմ ողջ կարիերայիս ընթացքում, քանի որ դրանք ինձ համար նույնքան արժեքավոր են, որքան պարանոցիս կախված ոսկե մեդալը», – հետխաղյա մամուլի ասուլիսի ժամանակ նշել է Յամալը։
Հավելենք, որ Իսպանիայի հավաքականը պատմության մեջ երկրորդ անգամ է նվաճել աշխարհի չեմպիոնի տիտղոսը։
