Armenpress — ԱՄՆ նախագահ Դոնալդ Թրամփի հանդիպումներն Իսրայելի վարչապետ Բենիամին Նեթանյահուի և Ուկրաինայի նախագահ Վոլոդիմիր Զելենսկու հետ դրական ու արդյունավետ են եղել. այս մասին հայտնել է Սպիտակ տան մամուլի քարտուղար Քերոլայն Լևիթը։ Նա իր X-ի միկրոբլոգում գրել է, որ երկու հանդիպումներն էլ դրական ու արդյունավետ էին, սակայն հավելյալ մանրամասներ չի հաղորդել՝ միայն նշելով, որ դրանք ավարտված են։ Հանդիպումները կայացել են Թրամփի նստավայրում։
