Radar.am — Բաքվում անցկացված ազատ ոճի ըմբշամարտի մինչև 17 տարեկանների աշխարհի առաջնությունում Սերգեյ Կարմրյանը նվաճել է արծաթե մեդալ։ 60 կգ քաշային կարգի վճռորոշ գոտեմարտում հայազգի ռուսաստանցի ըմբիշը համառ պայքարում 1:3 հաշվով զիջել է հնդիկ մարզիկ Սիտենդերին։
Եզրափակիչ դուրս գալու ճանապարհը բավական հագեցած էր։ Կիսաեզրափակչում Կարմրյանը հանդիպեց ուկրաինացի Նիկիտա Կուզմենկոյի հետ, որտեղ 2:2 հաշվի պայմաններում մրցավարական հաշվարկի և թայ-բրեյքի շնորհիվ հաջողությունը ժպտաց Սերգեյին։ Մինչ այդ ըմբիշը վստահ հաղթանակներ էր տարել նաև լեհ Վիտոլդ Պավլիկի (4:0) և ուզբեկ Բեկզոդբեկ Իբրոխիմովի (5:0) նկատմամբ։
Նշենք, որ ազատ ոճի ըմբշամարտի Հայաստանի հավաքականը ևս մասնակցել է այս մրցաշարին, սակայն հայ մարզիկներին չի հաջողվել մեդալ նվաճել։ Մրցաշարի շրջանակում ավելի վաղ աչքի էին ընկել հայ հունահռոմեական ոճի ըմբիշները, որոնք ընդհանուր առմամբ հայրենիք էին վերադարձել մեկ ոսկե և երկու բրոնզե մեդալներով։
