Հայկական Ժամանակ — Երևանի Անտոն Պավլովիչ Չեխովի անվան դպրոցում 6/6 դասարանը մինչեւ տարեվերջ պետք է հոգա իրենց հարկի զուգարանի թղթի ու անձեռոցիկի պահանջը։
Այս մասին քիչ առաջ Ֆեյսբուք սոցիալական ցանցում գրառել է օգտատերերից մեկը: Նա հայտնում է, որ տնօրենն այս դասարանի ծնողներին պարտադրել է շաբաթը երկու անգամ անձեռոցիկ ու զուգարանի թուղթ բերել։
Լուրը ծնողներին հասել է դասղեկի ու ծնողկոմիտեի միջոցով։ Գրառմանն անմիջապես արձագանքել է Երեւանի քաղաքապետի խոսնակ Հակոբ Կարապետյանը եւ հայտնել, որ գրառման հիման վրա քաղաքապետարանի աշխատակազմի վերահսկողության վարչությանը հանձնարարվել է ուսումնասիրություն իրականացնել:
Երևանի ավագանու այսօրվա նիստի հարց ու պատասխանի ընթացքում խնդրին անդրադարձավ նաև ավագանու ԲՀԿ խմբակցության անդամ Հռիփսիմե Առաքելյանը: