Երևանի Ամիրյան փողոցը անվանակոչվել է Պապ թագավորի անունով։ Այս որոշումը ընդունվել է Երևանի ավագանու չզեկուցվող հարցերի փաթեթի շրջանակում։
Կենտրոն վարչական շրջանի Արսեն Ամիրյան փողոցը, որը սկսվում է Հանրապետության հրապարակից և հասնում Սարյան փողոց, այսուհետ կկոչվի «Պապ թագավորի փողոց»։
Մինչ այս, փողոցը կրում էր Արսեն Մինասի Ամիրյանի անունը, ով հայ բոլշևիկ հեղափոխական էր, լրագրող և հրապարակախոս, ինչպես նաև Բաքվի 26 կոմիսարներից մեկը։
Հիշեցնենք, որ նախորդ տարի Ամիրյան փողոցը Պապ թագավորի անունով կոչելու հարցը արդեն իսկ քննարկվել էր Երևանի ավագանու օրակարգում, սակայն այն ժամանակ չէր ընդունվել։
